కంచి కామాక్షి - దర్సనం

కాలు కదలదు, కను రెప్ప వాలదు
చలనము లేని శివుడనైతిని తల్లి
నీ దివ్య రూపమును గాన్చి..ఓ కంచి కామాక్షి.

అందమైన కాంతలు వద్దు
వేన్నోళ్ళ పొగిడే కీర్తి వద్దు
ధగ ధగ మెరిసే కనకములు వద్దు
సర్వ కామములు నీ కాలి గోటికైనను సరితూగవు,
నాకు నీవొక్క దానివి చాలు..ఓ కంచి కామాక్షి.

చంద్రబింబము వంటి ముఖమని
పొగిడెదరు జనులెల్ల స్త్రీ సౌందర్యమును
చంద్రుడినే శిఖను దాల్చిన నీ సౌందర్యమును
యేమని పొగడవలెనో.....ఓ కంచి కామాక్షి.

కన్నులు ఉన్నవి రెండు,చూచేది ఒక్కటే
నిన్ను చూచుటకు రెండు కనులు చాలవు
శివుడి  జ్ఞాన నేత్రమొకటి  అరువు కావలె..ఓ కంచి కామాక్షి...!