నీ ఎడబాటు మరచుటకై

నీ ఎడబాటు మరచుటకై
నేను తలచితి ఒక రూపాన్ని నా మదిలో
నలుగు బెట్టి ఊపిరూది గణపతి గ మార్చితి
నలుగు పెట్టే వేళ నలుసంత జారి
దివి నుండి భువికి వచ్చె

నలుసు ఇంతింతై ఎదిగి నరుడిగ మారె
నరుడి నడతను మార్చి, నడకను నేర్పి
నీ లోని  'శక్తి'  గ నను మార్చితివి

విభూతి ప్రియుడవు నీవని తెలిసి,
నీ విరహాగ్నిలో 'నేను' దహనమై భస్మమైతిని

నలుసంత భస్మము తీసి నీ నుదిటిన బెట్టితివో
నిను చేరి నీ ఎడబాటు మరిచెదనురా నమః శివాయ....!