ఏకమేవా ద్వితీయం

కుడి కన్ను శివుడు, ఎడమ కన్ను శక్తి
ఏ కంటితో చూసేది, ఎవరిని చూసేది అని
కుడి ఎడమల నడుమ నలిగింది నా చూపు

ఇద్దరూ ఒకటే, ఇద్దరై ఒకటే
నేనేమి చేసేది కుడి ఎడమ గ మీరుంటే

అలక మాని, సంధి చేసుకుని
కుడి ఎడమల భ్రూమధ్యమునకు చేరి
ముచ్చటగ మూడో కన్ను మీరు నాకిస్తే

చూసెదను కదా అర్ద నారీశ్వరమును
ఏకత్వము గ 'నేను' మైమరచి, 'నేను' ను మరచి

ఏకమేవా ద్వితీయం...అర్ద నారీశ్వరం...శివోహం శివోహం